'फोनी' अद्य ओडीषातीरं प्राप्नोति ; ११ लक्षं जनाः वासस्थानं विगताः।
भुवनेश्वरं > अतितीव्रचक्रवातरूपेण परिणमितः 'फोनी' अद्य मध्याह्ने पुरी समीपे ओडीषातीरं प्राप्नोति। यदा तीरं प्राप्नोति तदा तस्य प्रवेगः २०० कि मी भविष्यतीति सूच्यते। ९ जनपदेषु अतिजाग्रतानिर्देशः [रेड् अलर्ट्] कृतः। ११ लक्षं जनाः वासस्थानेभ्यः सुरक्षितस्थानं प्राप्ताः।
ओडीषां विना आन्ध्रप्रदेश-वंगराज्ययोः दश जनपदेष्वपि अतिजाग्रतानिर्देशः कृतः। तत्रस्थाः जनाः अपि सुरक्षितस्थानं नीताः। २२३ रेल् यानानि निरस्तानि।