केन्द्रप्रशासनस्य मुद्रानिरासः सर्वोच्चनीतिपीठेन अनुमोदितः।
नवदिल्ली> षड्भ्यः संवत्सरेभ्यः पूर्वं सहस्र-पञ्चशतमुद्रापत्रकाणि निरस्तुं केन्द्रप्रशासनेन निर्णीतः प्रक्रमः सर्वोच्चनीतिपीठेन अनुमोदितः। न्यायमूर्तिः एस् अब्दुल् नसीर् वर्यस्य नेतृत्वे विद्यमानस्य पञ्चाङ्गयुक्तस्य शासनसंविधाननीतिपीठस्य चत्वारः न्यायमूर्तिनः केन्द्रप्रशासनस्य प्रक्रमं अनुमोदितवन्तः। अवश्याः प्रक्रमाः मुद्रानिरसनात्पूर्वं सर्वकारेण पालिता इति तैः निरीक्षितम्। किन्तु न्यायमूर्तिः बि वि नागरत्नः मुद्रानिरासप्रक्रमाः न नियमानुसारिणः इति स्वस्य अप्रीतिं प्रकाशितवान्।