स्वतन्त्रतादिने राष्ट्रे भीकराक्रमणसाध्यता इति दक्षतासूचना।
नवदिल्ली > भारतस्य स्वतन्त्रतादिनं पुरस्कृत्य राष्ट्रे विस्तारितया भीकराक्रमणानां साध्यता अस्तीति दक्षतासंस्थायाः जाग्रतानिर्देशः। जम्मू काश्मीरस्थानि सैनिकशिबिराणि लक्ष्यीकृत्य आक्रमणं कर्तुं पद्धतिः अस्ति। लष्कर् ई तोय्बा, जय्षे ई मुहम्मद्, इत्याद्यः आतङ्कवादिसंस्थाः एव आक्रमणानां सूत्रधारित्वं वहन्तीति सूच्यते। अस्मिन् विषये सुरक्षाप्रवर्तनानि दृढीकर्तुं सर्वकारेण निश्चितम्।