बालभारती पब्लिक विद्यालये नवसत्रारम्भ: पुस्तकविमोचनञ्च
नवदिल्ली> सर गंगाराम हॉस्पिटल मार्गस्थिते, बाल भारती पब्लिक् विद्यालये कोरोना-संक्रमणस्य भयानकस्थिते: पश्चात् ऐदम्प्राथम्येन भौतिकरूपेण नूतन-शैक्षिकसत्रस्य आरम्भस्य उपलक्ष्ये शनिवासरे हवनकार्यक्रम: आयोजित:। अस्मिन् आयोजने विद्यालयस्य प्रधानाचार्य: श्री एल. वी. सहगलवर्य: उपप्रधानाचार्या श्रीमती मीना मल्होत्रा च मुख्ययजमानत्वेन उपातिष्ठताम्। अस्मिन् कार्यक्रमे सम्पूर्णविद्यालय-परिवार: उपस्थित: आसीत्। धर्मसंस्कारस्य ज्ञाता, भारतीयपरम्पराया: पुरोधा पंडित श्रीललितमिश्रवर्य: वेदमन्त्राणामुच्चारणपूर्वकं हवनं सम्पादितवान्। अस्मिन् हवने सर्वै: उपस्थित-शिक्षकै:, छात्रै,: च समस्तविद्यालयस्य सदस्यै: साकं
अत्रावसरे विद्यालयस्य उपप्रधानाचार्या श्रीमती मीना मल्होत्रा अपि सर्वान् शिक्षकान् शिक्षिका: च कर्मचारिभि: समं छात्राणां हिताय निरन्तरं कार्यं कर्तुं प्रोत्साहितवती।
नव-सत्रारंभ-समारोहे अद्भुतव्यक्तित्वस्य धनी प्रधानाचार्य: श्री एल.वी.सहगल: सर्वान् शिक्षकान् मिलित्वा निजोद्गारान् व्यक्तीकुर्वन् शिक्षकाणां कर्त्तव्यपारायणता, विद्यालयं प्रति निष्ठा, शिक्षणशीलता चेत्यादीनां श्लाघां विहितवान्। विद्यालयस्य सर्वान् विद्यार्थिन: निजबालकानिव स्नेहपूर्वकं मार्गदर्शनं कर्तुम् अपि श्रीसहगलवर्य: शिक्षकान् प्रैरयत्। युगपदेव विद्यालयस्य निरन्तरम् उन्नतये अग्रसर: प्रधानाचार्य: नवसत्रारम्भस्य अस्मिन् अवसरे आयोजिते हवनकार्यक्रमे समस्तबालभारतीविद्यालयपरिवारस्य उज्ज्वलभविष्यस्य कामनार्थं परमेश्वरस्य प्रार्थनां कृतवान्। अस्य नवसत्रारम्भकार्यक्रमस्य आयोजने वरिष्ठ-संस्कृत-शिक्षिका श्रीमती ज्योत्स्ना श्रीवास्तव:, संस्कृतशिक्षक: श्रीयुवराज भट्टराई, श्रीवीरेन्द्रशर्मा, चेत्यादय: शिक्षकाः नैजं विशेषयोगदानं कृतवन्तः। अस्मिन् अवसरे विद्यालयस्य समस्तशिक्षकशिक्षिकाभि: कार्यक्रमस्य आयोजने नैज: सहयोग: प्रदत्त:।
ध्यातव्यमस्ति यत् नवसत्रारम्भस्य अवसरे बालभारतीपब्लिक विद्यालयस्य वरिष्ठविभागस्य संस्कृतशिक्षकस्य समावाप्तसाहित्याकादेमीयुवपुरस्कारस्य श्रीयुवराजभट्टराईवर्यस्य सद्योविरचित: "तनीयसी" नामक: संस्कृत-काव्यग्रन्थ: अपि आदरणीय-प्रधानाचार्यस्य श्रीलक्ष्यवीरसहगलवर्यस्य करकमलाभ्यां विमोचित: । । प्रधानाचार्य: संस्कृतशिक्षासेवायै साहित्यश्रीसंवर्धनार्थं च श्रीयुवराजभट्टराईवर्याय वर्धापनानि अभिनन्दनानि च समर्पितवान्।
युवकविना युवराज भट्टराईवर्येण विरचिते अस्मिन् काव्यग्रन्थे बालमनोविज्ञानसम्बद्धाः कविता: सन्ति संकलिता:।