हिमाचले अतिवृष्टिसङ्कटे मृतानां संख्या ७१ अभवत्।
षिंला> हिमाचलप्रदेशे दुरापन्ने आकस्मिकप्रलये भूविच्छेदने च इतःपर्यन्तं ७१ जनाः मृत्युमुपगताः इति मुख्यमन्त्री सुखविन्दरसिंहः न्यगादीत्। उत्तरखण्डे १० जनाः मृत्युमुपगताः। रक्षाप्रवर्तनानि राष्ट्रिय-राज्यीयदुरन्तनिवारणसेनयोः, आरक्षकबलस्य च नेतृत्वे प्रचलन्ति।
हिमाचले दिनद्वयं यावत् उत्तरखण्डे दिनचतुष्टयं यावत् च वृष्टिरनुवर्तिष्यते इति पर्यावरणविभागेन निगदितम्।