विधानसभासदस्यः पि टि तोमसः दिवंगतः।
कोच्ची> केरलस्य ऊर्जस्वलः विधानसभासामाजिकः पि टी तोमसः [७१] वेल्लूर् [तमिल् नाट्] सि एम् सि मेडिकल् कोलज् चिकित्सालयात् दिवंगतः। अर्बुदरोगबाधया चिकित्सायामासीत्।
एरणाकुलं जनपदस्थस्य तृक्काक्करा विधानसभामण्डलस्य २०१६ तमादारभ्य सदस्यः पि टि तोमसः कोण्ग्रस्दलस्य राज्यस्तरीयः प्रवृत्यमानाध्यक्षश्चासीत्। [Working President] विधानसभासामाजिकः इति स्थिते सामान्यप्रकरणेषु राज्यस्य उत्कर्षाय हिताय च सः अत्यन्तं दृढमतिः आसीत्।