उज्जयिन्यां देवीपूजनपाठविधान प्रशिक्षणस्य समारोप:।
- डॉ.दिनेश चौबे
उज्जयिनीस्थमहर्षिपाणिनि संस्कृतवैदिक-विश्वविद्यालयस्य संस्कृतशिक्षणप्रशिक्षणज्ञान विज्ञानसंवर्धनकेंद्रस्य तत्त्वावधाने आभाषीयपटलमाध्यमेन (आनलाईन्) आयोज्यमानस्यदेवीपूजनपाठविधानप्रशिक्षणस्य समारोप: वैक्रमाब्द: २०८०वैशाखशुक्लनवम्यां शनिवासरे तदनु २९/४/२०२३ तमेदिनाङ्के, शनिवासरे सञ्जात:। प्रशिक्षणमिदम् एकदिनाङ्कादारभ्य ऊनत्रिंशत् दिनाङ्कपर्यन्तं
प्राचलत्। अत्रप्रशिक्षणे
देवीपूजन-पाठविधान-मंत्रस्त्रोत्रादि -विषये सरलतया प्रशिक्षणं प्रदत्तम्।
देशस्य विदेशस्य च् नैका: धर्मजिज्ञासव: सोत्साहेन अस्मिन्प्रशिक्षणे भागं गृहीतवन्तः। विश्वविद्यालयस्य माननीयकुलपति: आचार्य-विजयकुमार-सीजी -वर्यस्य कुशलनिर्देशनेविश्वविद्यालयस्य केन्द्रेण अस्य प्रशिक्षणस्यामायोजनम् अकारि। सम्पूर्तिकार्यक्रमे मुख्यवक्तृरुपेण वेदव्याकरणविभागाध्यक्ष:, प्रभारिनिदेशकः संस्कृतसंवर्धनकेन्द्रम् डॉ. अखिलेशकुमार-द्विवेदिमहोदय: उपस्थितः आसीत्। महोदयेन स्ववक्तव्ये श्रीमद्देवीभागवते देवीपूजनस्य नैकान् प्रयोगिकानपक्षान् वैज्ञानिकं महत्त्वञ्च प्रतिपादितं सारगर्भितं व्याख्यानश्च अकरोत्
श्रीशिवानन्दमिश्र:, डॉ.अखिलेशकुमारद्विवेदि महोदयानाम् अस्मिन्प्रशिक्षणे
विशिष्टव्याख्यानानि जातानि। समारोहस्य सञ्चालनम् कार्यक्रमसंयोजकेन डॉ.दिनेश चौबेमहोदयेन, आभारप्रदर्शनं डॉ अङ्कितशाण्डिल्यवर्येण च कृतम्। कार्यक्रमे अनेके जिज्ञासव: समुपस्थिताः आसन्।कल्याणमन्त्रेण सह कार्यक्रमस्य समापनं जातम्।
